"ვინ ეგარი" ჩირის წარმოებას გეგმავს

ვაშლის ძმრის მწარმოებელი კომპანია "ვინ ეგარი" ჩირის წარმოებას გეგმავს, - ამის შესახებ კომპანიის დამფუძნებელმა მარიამ პატარიძემ „ბიზნესპარტნიორთან“ განაცხადა.

მისივე ინფორმაციით, "ვინ ეგარის" ჩირები ბაზარზე, სავარაუდოდ, ახალი წლის პერიოდში გამოჩნდება. 

"თავდაპირველად ვფიქრობთ, რომ 3 სახეობის უწამლი ხილის ჩირის წარმოებას დავიწყებთ. მათ შორის, იქნება ვაშლი, ქლიავი და ჭანჭური. მოეხსენებათ, რომ თვის ბოლოდან ახალი საწარმოს მშენებლობას ვიწყებთ, რომელიც აგვისტოში დასრულდება და პროექტის საინვესტიციო ღირებულება 400 000 ლარს შეადგენს. სწორედ მშენებლობის დასრულების შემდეგ დავიწყებთ აღნიშნული მიმართულებით მუშაობას და ახალ წელს მომხმარებლებს ახალ პროდუქტს შევთავაზებთ", - აცხადებს მარიამ პატარიძე.

https://bp.ge/news/biznesi/vin-egari-chiris-tsarmoebas-gegmavs